Buscamos intercesión no nome de Alá

e polo Guía, o Mensaxeiro de Alá

E por todo aquel que loita por Alá

pola xente de Badr, oh Alá!

Meu Señor, outórgalle á Umma a seguridade

ante as pragas e a adversidade

E ante a angustia e a tristura

pola xente de Badr, oh Alá!

Meu Señor, sálvanos e líbranos

de todo dano e aparta

As tramas dos inimigos con clemencia

pola xente de Badr, oh Alá!

Meu Señor, alivia as nosas penas

causadas polos rebeldes e o fracaso

E de toda calamidade e peste

pola xente de Badr, oh Alá!

Quanta misericordia foi acadada

e cantas humillacións foron evitadas

E cantas grazas nos foron concedidas

pola xente de Badr, oh Alá!

A cantos anciáns enriqueciches

e a cantos necesitados proviches

E a cantos pecadores curaches

pola xente de Badr, oh Alá!

Toda a terra, malia a súa amplitude

síntese estreita nos nosos corazóns

Sálvanos pois desta dura calamidade

pola xente de Badr, oh Alá!

Vimos pedindo a Túa clemencia

e a abundancia do ben e a fortuna

Amplía pois o favor das nosas mans

pola xente de Badr, oh Alá!

Non nos fagas volver desolados

senón que academos a bondade

Oh Posesor da Honra e a Maxestade

pola xente de Badr, oh Alá!

E se nos rexeitas, a quen acudiremos

para todas as nosas necesidades

Oh Disipador das angustias

pola xente de Badr, oh Alá!

Meu Señor, perdoa e hónranos

concedéndonos as nosas peticións

E aparta o mal de nós

pola xente de Badr, oh Alá!

Meu Señor, Ti es o Posesor da bondade

e o Posesor da graza e a compaixón

E cantas penas Tes disipado

pola xente de Badr, oh Alá!

E bendí ao Profeta virtuoso

sen fin e sen medida

E á súa nobre descendencia

pola xente de Badr, oh Alá!