Galde nire bihotzari, galde iezaiozue, berak berri emango baitizue

niri buruz zuek kanpoan zaretenean, haren barnean baitago zuen presentzia

Ai, unibertsoa argitu duten zuen agerpen dirdiratsuko ilargiok!

nire bihotzak zuekin oroitzean kontsolamendua bilatuko ez balu

Eta ahurra haren gainean jartzean, irrikaz erotuko litzateke

nire malkoak lurreko itsasoekin nahastuko balira, ito egingo lituzkete

Irrikaren su kartsuek lorik gabe utzitako begitik jaliak

maiteminak nire barne-muinak erdibitu eta puskatu ditu

Sua nire bihotzera hurbilduko balute, bihotzak sua bera erreko luke

entzun al duzue inoiz sua bera kiskali duen bihotzik?