Kiu similas al Ahmed en la du mondoj, kiun ni amas?

Plenluno, la tuta kreitaro en lia belo perdiĝis.

Kiu similas al li, dum la Sinjoro de l' Trono lin honoris?

Per kreado kaj moro, vere Dio al li donis.

Kaj la suno hontas pro la lumoj de lia apero

Konfuziĝis la mensoj de homoj pri la kompreno de lia esenco.

Benata estu Dio, kiel dolĉaj estas liaj ecoj

Li posedis belecon, kiel brila estas lia vizaĝo.

Ho araboj de la Valo de Nuqa, ho popolo de Kadima

En via najbararo loĝas luno, kies restadejo estas la koro.

Benu lin la Dio de la Trono tiel longe kiel leviĝas

Suno, kaj tiel longe kiel la gvidisto kantas al siaj kameloj.

Alaho donacis al mi la laŭdon de l' Elektito

Eble mi estos vidata inter la laŭdantoj kiel ornamita.

Kiam mi venos por legi la rulaĵon de miaj agoj

Mi havas neniun krom Tiu de graco, kiu favoras min.

Muhamad estas la sinjoro de la du mondoj kaj de la du gentoj

Kaj de la du grupoj, de araboj kaj de ne-araboj.

Li estas la Amato, kies propeto estas esperata

Kontraŭ ĉiu teruro el la atakantaj teruroj.

Nia Profeto, ordonanta bonon kaj malpermesanta malbonon

Neniu estas pli fidela en parolo pri "ne" aŭ "jes".

Kiel floro en freŝeco kaj plenluno en eminenteco

Kiel maro en malavareco kaj la tempo en firmanimeco.

Ho mia Sinjoro, per la Elektito, atingigu niajn celojn

Kaj pardonu al ni la pasintajon, ho Vast-malavara.

Kaj pardonu, ho mia Dio, al ĉiuj moslemoj pro tio

Kion ili recitas en la Al-Aqsa-Moskeo kaj en la Sanktejo.

Per la rango de tiu, kies domo en Tajba estas sanktejo

Kaj kies nomo estas ĵuro el la plej grandaj ĵuroj.