Dywedais, pan ddiflannodd oddi wrthyf

oleuni dy harddwch gwarchodedig

Myn Allah, fe’m treuliodd cystudd

lle profais angau ei hunan

Ac y mae fy llygaid, o chwerw wylo

yn llifeirio fel ffynhonnau rhedegog

Nid oedd fy amrantau’n fodlon ar y dagrau a lifodd

hyd nes iddynt hwythau sychu

Crwydro mae fy nghalon mewn serch, cynnyddu mae fy hiraeth

pryd, felly, y bydd ein haduniad?

Diflannodd y llewyrch o’m golwg

O Leuad hardd, rho gysur i’r llygaid hyn