O awelon Duw, O’i garedigrwydd

O ddeniadau’r Gwir, moeswch ymweliad

O olygon Duw, O’i edrychiadau

O awelon tiriondeb, deuwch â rhodd

O ymyrraeth y Trugarog, brysia

atom a datod gwlwm pob gwae

O drugaredd yr Arglwydd Trugarog, tro dy wyneb

ac adfywia ag ysbryd gras bob gweddill dirdynnedig

O holl ddrysau derbyniad, agorwch

canys y mae meirch y bwriad wedi anelu atoch

O gymylau haelioni dwyfol, glawiwch

canys y mae dwylo’r sychder wedi eu hymestyn tuag atoch

Trwy sancteiddrwydd ein harweinydd ac adfywiwr ein calonnau

a’n cyfarwyddwr i lwybr y ffordd uniawn

Fe’n galwodd i wirionedd trwy wirionedd a ddisgynnodd

arno oddi wrth y Trugarog, y gorau o alwadau

Atebasom, derbyniasom gan ymostwng i’w orchymyn

clywsom, ufuddhasom trwy oleuni a dirnadaeth

O Arglwydd, cadarnha ni yn y gwir a’r arweiniad

ac O Arglwydd, cymer ein heneidiau yn y ffydd orau

A chofleidia’r gwreiddiau a’r canghennau â thrugaredd

a theulu a chyfeillion a phob perthynas

A holl bobl y ffydd o blith pob Mwslim

sy’n cynnal i Ti yr Undod heb amheuaeth

Moes fendith a thangnefedd yn oes oesoedd

ar yr un gorau a anfonwyd at y genedl orau

Muhammad, yr un a neilltuwyd gennyt trwy Dy ras

mawreddog, a datguddiad y Llyfr a doethineb