Holwch fy nghalon, holwch hi, canys hithau a’ch hysbysa

amdanaf pan fyddwch yn absennol, oherwydd ynddi y trigwch

O leuadau y goleuodd eich gwedd y bydysawd!

oni bai am ymgais fy nghalon i gael diddanwch pan eich cofiaf

A gosod fy nghledr arni, fe âi’n wallgo o hiraeth

pe cymysgai fy nagrau â moroedd y ddaear, hwy a’u boddai

Gan lifo o lygad a gadwyd yn effro gan danbeidrwydd hiraeth

mae angerdd wedi dryllio fy nheimladau dyfnaf a’u rhwygo’n deilchion

Pe dygid tân yn agos at fy nghalon, hi a fyddai’n llosgi’r tân ei hun

a glywsoch chi erioed am galon a roddodd y tân ei hun ar dân?