Llygaid kohl sydd i’m Hanwylyd, pe bait ond yn ei weld!

 gwen firiol, fe deifl y carwr i ddyswynder serch

Disglair yw ei wedd, fe’i dewiswyd gan yr Arglwydd,

Ac mae’r holl greadigaeth wedi ei goleuo gan oleuni Ta-Ha

Ni thaflodd gysgod; yn hytrach, goleuni ydoedd

Mae’r haul yn cael ei ddisgleirdeb ganddo ef, y lloer lawn

Oni bai amdano ef, ni fyddai arweiniad wedi ymddangos,

Ac mae’r holl fydysawd wedi ei oleuo gan oleuni Ta-Ha

Mae cledr y Dewisiedig fel rhosyn gwlithog ffres,

Ac erys ei pharffwm ar y dwylo sy’n ei chyffwrdd

Mae ei haelioni toreithiog wedi cyrraedd yr holl weision,

O Anwylyd Allah, O orau o’r holl greadigaeth!

Mae poer bendigaid y Dewisiedig yn iacháu’r claf;

Cymer lygad Qatadah yn dystiolaeth o hyn

Poerodd i’r ffynnon, a daeth yn ffrydlif loyw,

Ac i’w Gydymdeithion, daeth yn felys fel mêl, yn llifo’n wastad