Aghju cari in a Cità chì s’elli feghjanu

Versu mè, spariscenu i mo affanni è u male si sguassa.

È u core si trova in intimità è in una gioia

Immensa, è mi scortanu a riescita è a vittoria.

O ghjente di Taiba, venite chì sò malatu d'amore

È ciò chì aghju speratu, fermu ad aspittà lu.

Hè a vostra usanza chì l’amante, s’ellu

Vi chjama cù a lingua di l’amore, sia rinvivitu.

L’amore colma u mo core, anzi s’hè incarnatu

In un omu à a mo sumeglia, s’elle contanu e forme.

O Signore di i Messageri, succurrimi, chì ùn resta

Più nisun rimediu chè l’amore per tè ch’aghju serbatu.

À Diu appartene a to nascita preziosa, chì rallegrò

A terra sana è fece sparì ogni sventura.

Ghjornu chì splendì u mondu, è mai ùn sorsi

Sole o luna annantu à un altru simule.

Un salutu per tè da un core prufumatu

Chì a to anima fragrante ne accresce l’odore.

À quellu chì mi dumanda: «Chì brami?» rispondu:

«Bramu Taiba d’una brama chì ùn cunnosce fine.»

O pilutu di l’aria, fammi scende s’è tù vedi

Brillà a Cupola Verde è e stanze sacre.

Custì mi ne vò à l'infrechiata di u Prufeta

Per chere u perdonu di Diu induve u peccatu hè rimessu.

Sia nantu à tè a prighera di Diu finchè seranu lette

In a festa di a to nascita i versi è e sure.

È nantu à a Famiglia, i Cumpagni è i seguaci tutti

U Ghiautu, u Cutibu è i cari quand'elli sò prisenti.