À altru ch'è a vostra bellezza u mo sguardu hè pruibitu

è altru ch'è a vostra parolla par mè ùn hè chè vane parolle

È a vita di l'acula cun voi hè una parte di u ghjornu

è l'ora di l'altri hè annu dopu à annu

È a mo pacienza luntanu da voi hè una cosa impussibile

è ùn aghju micca altru uccisore ch'è u spuppamentu

S'e vi vegu, e mo inchietudini spariscinu

è s'è vo site assenti, a morte s'avvicina da mè

Bramu d'esse u vostru cumpagnu

è chì in u vostru duminiu si drizzinu par mè i tandi

Guarite cù l'unione u malatu di l'abbandonu

chì hè sperdutu d'amore par voi quandu u culombu canta

U racondu di a so passione par voi hè anticu

è u so vistitu d'amore hè a malatia

Chì voi site l'urigine a più maestosa di l'urigeni

s'è vo vulete, u mo desideriu serà rializatu

Cù voi e cose difficiuli diventanu faciuli

par via di a buntà, siate generosi, o nobili

È nimu fora di voi hè degnu di generosità

allora cumu puderia esse offesu l'ospite di i vostri spazii?