Гэта месца, дзе шукалі паратунку народы,

і чыёй велічы пакарыліся і арабы, і чужынцы.

Гэта мясціна Пасланца Алаха, найсакароднейшага з тых,

каму ад ягонага Госпада прыйшлі законы і мудрасць.

Гэта Мухамад Правадыр, праз якога была развеяна

над намі святлом ягонага шляху цемра і змрок.

Гэта той, хто ўзняўся вышэй за самыя нябёсы

да стану славы, якога не дасягнуць іншым народам.

О мой спадару, о Пасланец Алаха, о мая надзея,

о той, у каго шукаю абароны, калі пакаўзнецца нага.

Праз цябе я здабыў веру, і дзякуючы гэтаму

спазнаў я шчодрыя ласкі тваіх дабротаў.

Няхай дабраславіць цябе Творца, пакуль вуркачуць

галубы і пакуль льюцца з аблокаў шчодрыя дажджы.