Na wo ne nkwankyerɛ kanea wɔ abɔdeɛ nyinaa mu

Na wo ne adɔeɛ ahintasɛm, O wo a yɛde yɛn ho to wo so pa ara.

Nokwarem, wo ne abɔdeɛ nyinaa mmoafoɔ

Na wo ne nnipa kyerɛkyerɛfoɔ kɔ Onyankopɔn a ɔtene no hɔ.

O wo a wogyina ayeyi gyinabea mu nkoaa

Ma Korɔfo Baako a wɔannwo no na ɔnnwoo obiara no.

O wo a nsubɔnten firi wo nsateaa mu baeɛ

Na wo maa dɔm no nsuo hyɛɛ wɔn den.

Sɛ amanehunu a ɛbɔ hu ba me so a

Mekã sɛ: O awuranom mu Wura, O me mmoafoɔ.

Yɛ me ntamgyinafoɔ wɔ Mmɔborɔhunfoɔ hɔ firi me mfomsoɔ mu

Na kyɛ me adeɛ a ɛmmbaa me nsusuieeɛ mu pɛn.

Na fa anisɔ ani hwɛ me mmerɛ nyinaa

Na fa wo dom kata me mmerɛwyɛ so kɔsi awieeɛ.

Na fa bɔnefakyɛ a ɛkata me so hu me mmɔbɔ

Na nokwarem, me wura, memmwee wo mpaeɛ da.

Matwe me ho abɛn Nyame wɔ Yi-mu-yɛfoɔ no mu

Ɔno a ɔforoo soro nyinaa, Baako-Pɛ no ahintasɛm.

Ahoɔfɛ wura, Onyankopɔn a ɔbɔɔ no no yɛ kɛse

Na mennyaa ne sɛso wɔ abɔdeɛ nyinaa mu pɛn.

Abɔdeɛ mu papa, asomafoɔ mu ɔkɛseɛ

Nnipa koradeɛ ne wɔn kyerɛkyerɛfoɔ kɔ tenenee mu.

Me de me ho ato ne so sɛ Onyankopɔn bɛfa me bɔne akyɛ me

Eyi ne deɛ ɛwɔ me nsusuieeɛ ne me gyidie mu.

Na ne nkamfoɔ na ayɛ me dwumadie me nkwa nna nyinaa

Na ne dɔ na ɛyɛ me mmoa wɔ Ahengua no Wura hɔ.

Mmpaebɔ a ɛho tɛ biara nka ne so daa

Ne asomdwoeɛ a ɛnni ano na ɛnni nkontabuo.

Ne n’abusuafoɔ ne ne nnamfonom, anuonyamfoɔ nyinaa

Ne wɔn a wɔdi wɔn akyi wɔ kwan pa so kɔsi afebɔɔ.