Ẹnikẹni kò na ọwọ́ rẹ̀ sí ẹni rere nínú ìṣẹ̀dá

àfi kí ó rí ìdùnnú àti ìbùkún gbà nípasẹ̀ rẹ̀

Nítorí náà ni mo ṣe na ọwọ́ mi sí i

pẹ̀lú ìyẹn ni mo sì ṣe wà nínú àwọn ẹni oríire

Ihá ọ̀nà sí ọ̀dọ̀ Allah tí ó ga tí ó sì lẹ́wà

nínú ọlá, tí ó sì ta yọ nínú gbogbo gíga

Gbogbo ènìyàn ni ó sopọ̀ nípasẹ̀ ìpè rẹ̀

mọ́ Allah, tí wọ́n sì rí ìrànlọ́wọ́ gbà nípasẹ̀ rẹ̀

Dájúdájú, nínú ìṣòro àti nínú ìrọ̀rùn

abẹ́ ààbò rẹ̀ ni mo ń sápamọ́ sí ní gbogbo ayé mi

Mo sì ń sọ pé: "Ràn mí lọ́wọ́, ìwọ ìṣúra mi"

"Kí o sì fún mi ní ọrẹ láti inú ọwọ́ rẹ méjèèjì"

Kí o sì ṣàánú fún wa, ìwọ ìrètí mi

nípa mímú ìwòsàn wá fún ọkàn kúrò nínú àwọn àìsàn

Ǹjẹ́ olùfẹ́ rẹ lè wà nínú ìbẹ̀rù?

Nígbà tí mo jẹ́ pé nípasẹ̀ ọlá rẹ, n kò bẹ̀rù ẹnìkankan

N kò ní ìrètí sí ẹlòmíràn bí ayé bá ni mi lára

tí mo sì pàdánù àwọn olùrànlọ́wọ́

Mo fi ẹ̀mí rẹ bẹ̀ ọ́, jọ̀wọ́ wo wa

pẹ̀lú ọlá, ìwọ ẹni tí ó dára jùlọ nínú àwọn tó foríbalẹ̀

Ìwọ ni àyànfẹ́ láti ìgbà pípẹ́

ìwọ ẹni rere jùlọ tí ó ń ṣìpẹ̀ láàárín àwọn orílẹ̀-èdè

Àti pé nípasẹ̀ ìmọ́lẹ̀ rẹ, lẹ́yìn àìsí nǹkan kan

ojú ìṣẹ̀dá tàn yòò, ó sì farahàn

Kí ìkẹ́ Allah tí kò ní òǹkà

jẹ́ ẹ̀bùn fún ọ, ìwọ ẹni tí ọlá rẹ̀ ga jùlọ

Àti àwọn ará ilé rẹ pẹ̀lú àwọn ọmọ-lẹ́yìn ọlọ́lá

níwọ̀n ìgbà tí olùdarí ìbákasẹ bá ń kọrin tí ó sì ń dún