Oh, miphunga kaThixo, oh, bubele Bakhe

Oh, kutsala kweNyaniso, siphe utyelelo.

Oh, mibono kaThixo, oh, ukuqwalasela Kwakhe

Oh, moya wobulali, sondela kuthi ngesipho.

Oh, ungenelelo lukaNoinceba, nceda ngokukhawuleza

kuthi, ukhulule amaqhina azo zonke iinkxwaleko.

Oh, nenceba yeNkosi enoxolo, jonga kuthi

uvuselele ngomoya wobabalo konke okubolileyo.

Oh, nonke minyango yolwamkelo, vulekani

kuba iinkqwelo zeenjongo zijonge kuni.

Oh, mafu esisa sobuThixo, nisa imvula

kuba izandla zembalela zolulelwe kuni.

Ngobungcwele bomkhokeli wethu nomvuseleli weentliziyo

nomkhombisi wethu kwindlela ethe tye.

Usibizele enyanisweni ngenyaniso eyityhiliweyo

kuye ivela kuNoinceba, olona bizo lubalaseleyo.

Siphendule, samkele, sizithoba kumyalelo wakhe

sivile, sithobele ngokukhokeleka nokuqonda.

Oh Nkosi, siqinise enyanisweni nasekukhokelekeni

kwaye oh Nkosi, sithabathe ngelona kholo lihle.

Gquma iingcambu namasebe ngenceba

nosapho, namaqabane, nazo zonke izalamane.

Nabo bonke abantu benkolo phakathi kwamaSilamsi

amise uBunye Bakho ngaphandle kwamathandabuzo.

Thumela iintsikelelo noxolo ngonaphakade

koyena ubalaseleyo uthunyelwe kolona luhlanga lulungileyo.

Umuhammad, okhethwe Nguwe ngobabalo Lwakho

olukhulu, nokutyhilwa kweNcwadi nobulumko.