Yaw miy guiss samay rangooñ nuy sotti ni taw yu ràbbaayu

Ci samay bët, te sama yaram feeñal na mbeurbeut

Bul yéemu sax su ma nekké ni yax yu nagg

Kewel bu nekk ci xir wi, diggante ban ak tund wi

Dagaat na sotti sama déet ci weer yu sell yi

Waaye yéemu ci sama mbir, ndaxte masuma woon

Ragal coono yi sax su ñu ma sancee loxo

Waaye mbëggeel dafa ma tëxloo, ma wax lu neen

Dogal dafa door gaynde ak bëti sëll

Yaw mi dëkk ci xir wi, wallu ko mi dëkk ci àllu gaynde

Sama xol bi mbeugël songu na ko ak féti xool yu bari

Te bàyyi na ma ma nekk di réer ci tawat

Bi mu ma sànnee te fétam lagg sama muñ

Ma lànk ko te nëbb fét bi ci sama biir

Gaañu-gaañu ku ma sopp duma ko mettiyoo

Su sama weer bi feeñee, weeru asamaan du feeñ

Sama xalaat ak sama tëddu-nelaw ci mbëggeelam yàgg na

Sama ruu, sama déet, sama nnopp ak sama bët, yepp moom na ko

Yaw mi may jéww ci sama mbëggeel te mbëggeel dogal la

Su la tiis wu xoot bi dóonoon, dooma jéww walla ngay sib