Qalbga u joylashdi, shod yasha ey vujud

Bu mangu qoluvchi abadiy ne'matdir

Habibning panohiga kirding, kimki

Habibga qo'shni bo'lsa, hayoti farovon bo'lur

Allohning omonida, uning bayrog'i ostida yasha

Bu dargohda na qo'rquv bor va na tashvish

Yo'qsillikdan qo'rqma, sening huzuringda shunday zotning uyi borki

Barcha orzularing uning qo'llaridan kelgan madaddir

Go'zallik sohibi va lutf-karam yuboruvchisi

U barcha go'zalliklarda yagona va tanhodir

Aql qutbi, barcha olamlarning madadkori

Rahbarlarning eng ulug'i, hamd etilgan Ahmad udir

Borliq ruhi, har bir mavjudning hayoti

Agar u bo'lmaganda, borliq komil bo'lmas edi

Iso, Odam va barcha ulug' peshvolar

Ular ko'zlar bo'lsa, u o'sha ko'zlarning nuridir

Agar Shayton uning nurining jilosini ko'rganda edi

Odam yuzida, birinchi bo'lib sajda qilgan bo'lur edi

Yoki Namrud uning jamoli nurini ko'rganda edi

Xalil bilan birga qaysharlik qilmay, Jalilga ibodat qilgan bo'lur edi

Lekin Allohning jamoli yuksakdir, uni ko'rib bo'lmas

Magar Somad bo'lgan Allohning xos fazli bilangina ko'rinur

Ko'ksingga joylashgan zot bilan suyungil, ey

Orzular bilan ko'zi va qo'li to'lgan inson

Vafo chashmasi, safo ma'nosi, saxovat siri

Hidoyat nuri, idrok ruhi va to'g'ri yo'l timsoli

So'ngra tanlangan Payg'ambarga salovotlar bo'lsin

To abadiyat bor ekan, barcha fazilatlarni o'zida jamlagan zotga