Ey mahalla to‘lin oylari, ey karamlilar maskani,

Haram ohusiga mendan salom yetkazing.

Siz sabab sirlarimiz fosh bo‘lsa-da malomat qilinmasmiz,

Zero, bizni kuchli ishtiyoq va ishq butkul yengib qo‘ydi.

Shaydo oshiq tunlari aslo uyqu bilmas,

Chunki oshiq uchun uyqu harom qilingandir.

Sayyidlarim, agar diydor ila marhamat qilmasangiz,

Sog‘inchdan vafot eturman, sizga esa boqiy umr bo‘lsin.

Agar Naqo g‘izallariga ko‘ngil bermas ekanman,

Mening qalbim bilan jonsiz toshning ne farqi bor?

Alloh siz bilan on-u lahzalarimizni fayzli qilsin,

Vodiylaringizni esa mo‘l-ko‘l bulutlar sug‘orsin.