Hidoyatkor payg'ambarimizning ravzasi

Taqvodorlar uchun hozirlab qo'yildi

Barcha: "Biz rozi bo'ldik", - deydiganlar

Suyukli Xojamiz Muhammad bilan

Unga muhabbat komillikning ayni o'zidir

Uning maqomi yuksak va qadrlidir

Uning sahobalari kishilarning eng yaxshisidir

Ular hidoyatkor Muhammadga bay'at qildilar

Uning yuzi to'lin oylardan ham go'zaldir

Parvardigor uning sururini ziyoda qildi

Borliqda bir nur namoyon bo'ldi

Allohning yaratilishidan avval, Muhammad

Uni sevish farz va majburiyatdir

Uni madh etish yaxshilik va o'ljadir

Qalbga hech qanday g'am kelmaydi

Muhammadni sevgan kishining qalbida

Ahmad Ilohiy ilmning ummonidir

Kim unga yuzlansa, saodat topadi

Uning havzi musaffo va salqindir

Muhammadga oshiq bo'lganlar uchun

Alloh olamlarni ochadi

Go'zal xulqlar imomi orqali

Barcha payg'ambarlarning xotami

Suyukli Xojam Muhammad

Toha Alloh yaratganlarining eng yaxshisidir

Choshgohdagi quyosh kabidir

Biz ko'rayotgan bu dunyo

Muhammadning ziyosi ichidadir

Ko'zlari surmalik, qorachig'i tim qora

Uning sevimli nuri porloqdir

Tishlari oppoq va orasi ochiq

Muhammad Allohning rasullaridan ustun keldi

Ey insonlar, uning yuzi nuriylikdir

Sayyidim, xushxabarlar sohibidir

Bizning xazinamiz, qalblarimiz nuridir

Uning ismi hidoyatkor Muhammad

Uning qadri yuksak va afzaldir

Uning vasfi qadrli va mukammaldir

Parvardigorimning vahiysi nozil bo'ldi

Suyukli Xojam Muhammadga

Uning fazli barcha o'lkalarni qamradi

Kufr zulmatini mahv etuvchidir

Sahrolar va vodiylarda

Muhammadning nurlari porladi

Uning shariati koinotni obod qiladi

Va kunlar u bilan faxrlanadi

Uni sevgan kishining ko'z yoshlari tomadi

Muhammadga bo'lgan ishqidan

Uning husni to'lin oyni uyaltirdi

U orqali G'ayb nozil bo'ldi

Va kufr jamoalari barbod bo'ldi

Xojamiz Muhammadning shijoatidan

Tuya ochlikdan shikoyat qildi

Jamoat ichida payg'ambarga

U dedi: "Ey shafoat sohibi

Menga shafoatchi bo'l, yo Muhammad"

Bir ohu Hidoyatkorga nido qildi

Shikoyat qilib, o'z holini aytdi

Ey risolat imomi

Menga kafil bo'l, yo Muhammad

Bu dunyo bir soatlikdir

Bas, amallaringni toat et

Va eng yaxshi savdo molini xarid qil

Hidoyatkor Muhammadning ziyoratini

Bu dunyo zavol topadi

Uning boqiyligi uzoqqa cho'zilmaydi

Qayerda u yurib aytadigan kishi:

"Menga shafoatchi bo'l, yo Muhammad"

Parvardigorimiz, oson qilib, yengillashtir

Tanlangan zotning ziyoratini tezlashtir

Ko'z yoshlarimiz oqib, to'kiladi

Muhammadga bo'lgan ishqimizdan

Parvardigorimiz, bir yo'l hozirlagin

Bizga, ey Robbim, hamroh bo'lgin

Toki mehribon to'lin oyni ko'raylik

Suyukli Xojam Muhammadni

Sendan umidimiz go'zaldir

Sen, ey Robbim, o'zing Vakilsan

Payg'ambar esa eng yaxshi kafildir

Suyukli Xojam Muhammad

Barchamiz xushxabar umididamiz

Ziyorat sari yo'lga chiqishning

Qanday yaxshi bu savdo

Hidoyatkor Muhammadning ziyorati

Qani komillik sohiblari

Qani insonlarning sayyidlari

Ular mollarining eng yaxshisini sarfladilar

Xojam Muhammadni qasd qilib

Ko'z yoshlari tomib, oshkor bo'ladi

Har gal vodiyga tushganlarida

Ularning maqsadi bandalarning eng yaxshisidir

Suyukli Xojam Muhammad

Rahmon nomila yo'lga chiqdilar

Karvonlari sahrolarni bosib o'tar

Va biz ularni ochiq-oydin ko'rdik

Xojam Muhammadning oshiqlarini

U sahrolarning harorati

Qor kabi bo'ldi muhabbatdan

Ularning qo'rg'oni bandalarning eng yaxshisi

Hidoyatkor Muhammadning rahmatidir

Ko'z yoshlarni behisob to'kkin

Yangi oyni ko'rgan paytingda

Uzoqdan yarqirab ko'rindi

Unda Muhammadning nuri bordir

Bu yashil gumbaz namoyon bo'lar

Nuri aqllarni lol qoldirar

Uni ko'rganda quyilib oqadi

Muhammadga oshiq kishining yoshi

Hidoyatkor payg'ambarimizning ravzasi

G'amgin qalbni shod etadi

Suyuning, ey bizning ziyoratchilar

Muhammadning shafoatidan

Bu o'sha ravzadir, xushxabar oling

Biz xushxabarchiga yetib keldik

Dunyo ishlarini o'ylamagin

Va hidoyatkor Muhammadga boqgin

Kimki bu maqomni ziyorat qilsa

Payg'ambar uning salomiga alik olar

U barcha xaloyiqni mukammal taniydi

Muhammadning ziyoratchilariga xushxabar bering

Ruhlar muhabbatdan sarson bo'ldi

Ko'z yoshimiz daryo bo'lib oqdi

Ziyoratchilar yaqinlikka erishdilar

Suyukli Xojam Muhammadga

Ey taqvodorlarning suyuklisi

Va chiroq hamda ravshan nur

Ey Abulqosim, biz chorlandik

Bas, yetib keldik, yo Muhammad

Marhabo, ey Tanlanganimiz

Sening qadrli ishqing bizga keldi

Uzoqdan bizni da'vat qildi

Suyukli Xojam Muhammad sari

Toki u maqomni ko'raylik

U yerda ko'tarilgan to'lin oy bordir

Va ishtiyoqmand ham yuksaldi

Muhammadga bo'lgan ishqi tufayli

Ey gunohlar shafoatchisi

Va g'am-qayg'ularda madadkor

Va qalblarning ziyosi

O'zing nursan, yo Muhammad

Sening umid qilingan maqoming buyukdir

O'zing fazilatli, karamlisan

Va mehribon, shafqatlisan

Va afv etuvchisan, yo Muhammad

Xushxabar, ey ko'rganlar

Hidoyatkorning ravzasini va ziyorat qilganlar

Arsh Parvardigori huzurida bo'ldingiz

Xojam Muhammadni ziyorat qilganingizda

Parvardigor saodatni taqdir qildi

Va sizni ibodatga da'vat qildi

Bu eng yaxshi oqibat va ziyodasidir

Hidoyatkor Muhammadning ziyorati

Saodatingizdir, ey ziyorat etguvchilar

Yuzingizda nur yuksaladi

Robbingiz mag'firatli Robdir

Muhammadni ziyorat qilgan kishi uchun

Qaniydi tik turganlarni ko'rsak

Qaniydi o'tirganlarni ko'rsak

Qaniydi so'rayotganlarni ko'rsak

Muhammadning shafoatini

Eng yaxshi xilqatning nuri ravshan etadi

Va Allohning kitobi tilovat qilinadi

Va shariat ilmlari imlo qilinadi

Xojam Muhammadning huzurida

Agar omonlik bilan qaytsangiz

Malomat ahliga xabar bering

Toki Tihamadan kelsinlar

Suyukli Xojam Muhammadning huzuriga

Ularga maqomni taniting

Ularga oshiqi beqarorlikdan so'zlang

Ularni uyqudan uyg'oting

Toki Muhammadni ziyorat qilsinlar

Ey malomatchilar, agar bilganingizda edi

Manzillarda turib qolmas edingiz

Bizning qalbimizda hech bir mashg'ulot yo'q

Barchamiz Muhammadga oshiqlarmiz

Ulovlarda tunda yo'lga chiqdik

Payg'ambar, xaloyiqning eng yaxshisiga

Sayyidim, in'omlar xazinasidir

Suyukli Xojam Muhammad

Uning muhabbati qalblarni tiriltiradi

Alloh gunohlarni kechiradi

Alloh ayblarni yashiradi

Suyukli Xojam Muhammad tufayli

Ey Allohning Rasuli, nido et

Muhabbat va do'stlik ahliga

Ular uzoqlikda shavq bilandirlar

Ularni chaqirgin, Xojam Muhammad

Va Taqdir etuvchiga yuzlan

Yengillik beruvchi Robbim oson etar

Mashaqqatdan so'ng toki shoshilaylik

Suyukli Xojam Muhammad sari

Pokiza salovotlar

Sof va ziyoda bo'lguvchi

Qadrli va boqiy bo'lguvchi

Suyukli Xojam Muhammad uchun

Va Allohning salomi ketma-ketdir

O'tarkan borliqni muattar etdi

Dilni yozdi va quvontirdi

Suyukli Xojam Muhammad uchun

Va fazilatli sahobalarga ham

Har bir fazlli va amal ahliga

Alloh kitobi bilan so'zlaguvchiga

Va shuningdek Muhammadning ahliga

Ey Robbim, rizoliging bilan burka

Eng yaxshi rostgo'y va sahobani

Va shuningdek mahbubim Faruqni ham

Ikkisi Muhammadning yonidan joy oldi

Robbim, ikki nur sohibini burka

Va ikki nabiraning otasi, mahbubimni ham

So'ngra ikki amakisini, yo Robbim

So'ngra Muhammadning sahobalarini

Robbim, ikki nabirasini ham burka

Eng yaxshi xilqatning ahli, mening shifomdir

Shuningdek, Zahro xabar beradi

Muhammadning komilligi haqida

Kechalari bedor bo'lganlarni burka

Virdlarni tilovat qiladigan har bir kishini

Ular yuzlanish, yetishish ahlidir

Suyukli Xojam Muhammadga

Yovvoyi cho'llarning ahllarini burka

Va sahrolar-u adirlardagilarni ham

Har bir majzub va o'quvchini

Muhammadga salovot aytuvchilarni

Ey Robbim, zohidlarni burkagin

Va solih bandalarni ham

Va tik turgan insonlarni

Xojamiz Muhammadning huzurida

Ular vasilasi-la, Robbim nusrat ber

Dunyovu oxiratda mudom, har lahza

Ey Robbim, ajrlarni ulug' et

Suyukli Xojam Muhammad hurmatidan

Robbim, hasadgo'ylarni daf et

Bizga ozor berishdan umidsiz holda

Bizga madadkor va yordamchi bo'lgin

Suyukli Xojam Muhammad tufayli

Robbim, dushmanlarimizga yo'l qo'yma

Bizga ziyon yetkazishga qodir bo'lishiga

Ularga xorlik libosini kiydir

Va bizni Muhammadning haqqi ijobat et

Ularga qo'rquvni tezlatgin

Va shuningdek, ularga musibatni ham

Va ularning huzurida yomonlikni keltir

Hamda nusrat ber Muhammadning ahliga

Bu terilgan marvaridlarning nozimi

Ja'far oilasidan bo'lgan Solihdir

Sendan eng buyuk fazlni umid qilar

Suyukli Xojam Muhammad vasilasi-la

Zavol topmaydigan fazlni umid qilar

Ham rizolikni va hamda qabulni

Yaqinlikni va yetishishni kutar

Suyukli Xojam Muhammadga

O'zingdan fazlingni kutar, yo Robbim

Tanlangan zot, suyuklim ziyoratini

Har yili do'st-birodarlar davrasida

Xojam Muhammadni ziyorat etuvchi bo'lishni

Va xotimaning yaxshiligi bilan

Maqsadga yetishni istaymiz

Maqomga yaqin joyda

Baqiy qabristonida, yo Muhammad