Ikki olamda Ahmad kabi kim bor biz sevadigan?

U bir to'lin oydirki, butun xaloyiq uning husnida lol qolgan

Kim u kabi bo'la olur? Arshning Robbisi uni sharafladi

Ham xilqat, ham xulq bilan, darhaqiqat Olloh unga buni ato etdi

Quyosh uning chehrasining nurlaridan xijolat chekar

Insonlar ongi uning mohiyatini anglashda hayratda qoldi

Olloh naqadar buyuk, uning go'zal sifatlari naqadar shirin

Jamol unga xos bo'ldi, yuzi naqadar munavvardir

Ey Naqo vodiysi arablari, ey Kozima ahli

Sizning mahallangizda bir oy borki, uning maskani qalbdadir

Arshning Ilohi unga salovot aytsin, modomiki quyosh chiqar ekan

Va modomiki tuyakash o'z tuyalarini qo'shiq bilan boshqarar ekan

Olloh menga Tanlangan zotning madhini nasib etdi

Shoyadki, madh etuvchilar orasida menga ham bir o'rin ko'rilsa

Amallarim bitilgan sahifalarni o'qishga kelganimda

Menga lutf ko'rsatuvchi Zotdan boshqa hech kimim yo'qdir

Muhammad ikki olam va saqalayn (insu jin) sayyididir

Arabu ajamdan iborat ikki guruhning sarvaridir

U shunday bir seviklidirki, shafoati umid qilinur

Bostirib keluvchi har bir daxshatli g'am-g'ussa qarshisida

Payg'ambarimiz buyuruvchi va qaytaruvchidir, bas, hech kim

"Yo'q" yoki "ha" deyishda undan ko'ra sodiqroq emasdir

Latofatda chechak kabi, sharafda to'lin oy kabi

Karamda dengiz kabi, azmu shijoatda zamon kabi

Yo Rabbim, Mustafo hurmati maqsadlarimizga yetkaz

O'tgan gunohlarimizni kechir, ey karami keng Zot

Ilohim, barcha musulmonlarni mag'firat et

Masjidi Aqso va Haramda tilovat qilingan oyatlar hurmati

Uyi Taybada muqaddas haram bo'lgan zotning qadri hurmati

Va uning ismi qasamlar ichra eng buyuk qasamdir