Ey olamlar Robbi bo'lmish Oliy Zotning elchisi

Xizmatkoringiz nido qildi: Ey Rasul, yaqin bo'ling!

Xizmatkoringiz nido qildi, ey Rasul, toki ko'rinmayin

Oliy bo'lgan Allohdan o'zgaga muhtoj va faqir holda.

Eng olis G'arbdagi bir xizmatkor Muhammadni chorlar

Va Rasuldan o'zgasini o'ziga aslo panoh deb bilmas.

Umid bilan eshikda muqim turgan bir xizmatkor

Garchi kutishi uzoq cho'zilgan bo'lsa-da, karamli qabulni kutar.

Nazarimda Ahmaddan o'zgasi kichik bo'lib qoldi, zero men

Bandalar hidoyatchisidan buyuk bir inoyat umid qilurman.

Ey go'zal xulqli va sahovati keng zot, ne ravo ko'rasiz

So'zini go'zal qilgan Karim Zotning mehmoni uchun?

Ey xaloyiq ichra tanlangani, qo'lingiz saxovati qadar

Unga zavoli yo'q, tuganmas bir hadya in'om eting.

Zero har bir tirik jonga bir ne'mat ulashgansiz

Men ham bir kamtar talabgor kabi sizdan marhamat istayman.

Sizga Allohning saloti va so'ngra salomi bo'lsin

Hamda Nabiyning sahobalariyu oilasiga ham shomil bo'lsin.