Xaloyiqning eng yaxshisiga kim qo'l cho'zsa

Faqat u sababli saodat topur

Shuning uchun unga qo'limni cho'zdim

Va shu bois saodatlilardan bo'ldim

U Alloh sari yuksak va oliy bir darvozadir

Sharafda barcha yuksakliklardan ustundir

Borliq uning chorlovi ila Allohga bog'landi

Va u orqali ilohiy madadga erishdi

Men qiyinchilikda ham, yengillikda ham

Umrim bo'yi uning himoyasidan panoh so'rayman

Ayturman: "Ey zaxiram, menga yordam ber

Va ikki kaftingdan saxovat ehson qil"

Bizga mehribonlik qil, ey umidim

Qalbni barcha dardlardan shifolash ila

Seni sevuvchi hech xavf-xatarda qolurmi?

Sening manzillating ila hech kimdan qo'rqmasman

Agar zamonam zulm qilsa va yordamchisiz qolsam

Sendan o'zgadan aslo umid qilmasman

Hayoting haqqi, bizga bir nazar tashla

Ey sajdaga bosh qo'yganlarning eng afzali, karam ila

Sen azaldan tanlab olingan Muxtorsan

Ey ummatlar ichra shafoatchilarning eng yaxshisi

Yo'qlikdan so'ng sening nuring sababli

Borliq olami porladi va namoyon bo'ldi

Allohning behisob salovotlari

Senga hadya bo'lsin, ey qadri yuksak zot

Oli-ashob va ulug' sahobalaringga ham

Modomiki tuya haydovchisi kuylab, aks-sado bergusidir