انہوں نے اس عاشقِ وارفتہ کے دل کو عشق کے انگاروں سے داغ دیا ہے

ان کے معاملے میں میرا جو حال ہے سو ہے، اور اب الفت کی آگ بھڑک اٹھی ہے

میرے آنسو اور یہ ناتوانی اس بھڑکتی ہوئی وجدانی آگ کا پتہ دیتے ہیں

ان کی خاطر مجھے اپنا مٹ جانا ہی بھلا لگا، چاہے یہ ہجر کتنا ہی طویل کیوں نہ ہو

اے ساربانِ کارواں! میرے لیے اس راستے کو مختصر کر دے

اور اللہ کے واسطے میرے دل کو لے کر رفیقِ اعلیٰ کی جانب کوچ کر

اور اگر محبوب کے حسن کی تجلی نظر آئے تو مقامِ عقیق میں خیمہ زن ہو جا

اور ان کے قریبیوں کا واسطہ دے، شاید میرا محبوب کرم فرما دے

اس والہ و شیدا کو ان کریم ہستیوں کی چوکھٹ پر لے چل

شاید وہ میرے ان مسلسل بہنے والے آنسوؤں پر رحم فرما دیں

اور وہ میری تمام تر عیبوں کے باوجود مجھے اس مقام پر قبول فرما لیں

ان کا وصال میرے رنج و ملال کو مٹا دے اور ان کی بارگاہ میں حاضری شیریں ہو جائے

اے اس وادی کے مکینو! اس فقیرِ بے نوا کی خبر لیجئے

مجھ پر نرمی کیجئے اور میرے بڑھاپے پر رحم کھائیے کہ میرے آنسو رواں ہیں

میرے گناہوں سے چشم پوشی فرمائیے کہ آپ کی عظیم بخشش کی بدولت

بہت سے لوگوں نے قرب پا لیا اور اپنی زنجیروں سے مخلصی پائی

ایک محب کا اپنے محبوب پر سلام کی اس جلوہ گاہ میں درود ہو

جس کے ذریعے میرا رب اسے دائمی نعمتوں میں زندگی عطا فرمائے

اور اس درود کا وہبی فیض آلِ پاک تک جاری رہے

اور اس فیض کا شکر گزار پینے والا وجود کا کمال پا لے