تیرے سوا میرا کوئی غم نہیں اور تو خوب جانتا ہے

پس قربت غنیمت ہے اور دوری سراسر خسارہ ہے

مجھے اپنی طرف، اپنی ہی حضوری میں لے لے

کہ میں اپنے ہر معاملے میں تجھ ہی سے منسوب ہوں

تو ہی میرا مقصود ہے، پس میرا رہنما بن جا

میرا دل پیاسا ہے، پس میرا یہ غم دور کر دے

میرا کون ہوگا اگر تو میرا نہ ہوا

تو میری عاجزی دیکھ رہا ہے اور تو ہی سب سے بڑھ کر رحم فرمانے والا ہے

اے بہترین رہنما! میں کب سے تجھے پکار رہا ہوں

اب یہ جدائی کافی ہے، تیری سخاوت تو سب پر محیط ہے

وصال کے نور کا مہر بہت گراں ہے

تیرے سوا میرا کوئی نہیں، پس جود و کرم فرما

میرے لیے قرب اور دوری دونوں ہی برابر ہیں

کیونکہ میری بھلائی اسی میں ہے جو تو نے میرے لیے مقدر کیا ہے

پس میری عطا کو روحِ حیات بنا دے

یعنی میری ہستی کے محبوب طٰہٰ معلم (ﷺ)

تو میرے ارادے، میری محبت اور میری الفت کو جانتا ہے

پس ہر کامیابی میں (اس) کُردی کا یاور و مددگار رہ

میرے رب کا درود ہو میرے دل کے محبوب پر

یعنی طٰہٰ مربی پر، ان پر سلامتی ہو