مدینہ میں میرے وہ پیارے ہیں کہ جب وہ نظر فرماتے ہیں

میری طرف، تو میرے غم رخصت اور تکلیفیں دور ہو جاتی ہیں

اور دل انس و بے پناہ خوشی سے معمور ہو جاتا ہے

اور کامیابی و کامرانی میری رفیق بن جاتی ہے

اے طیبہ والو! توجہ فرمائیں کہ میں عشق میں نڈھال ہوں

اور میں اس چیز کا منتظر ہوں جس کی میں نے امید باندھی تھی

آپ کی یہ قدیم روایت ہے کہ جب کوئی محبت کرنے والا

آپ کو الفت کی زباں سے پکارتا ہے، تو اس کی دادرسی ہوتی ہے

اور محبت میرے دل میں سما گئی ہے بلکہ یہ مجسم ہو گئی ہے

میری صورت کے ایک قالب میں، اگر صورتیں حقیقت کا پتا دیں

اے رسولوں کے سردار! میری دستگیری فرمائیے کہ میرے پاس

کوئی تدبیر نہیں بچی سوائے آپ کی محبت کے جو میرا زادِ راہ ہے

اللہ کے لیے ہے آپ کی وہ محترم ولادت جس سے

روئے زمین بامراد ہوئی اور زمانے کی تلخیاں چھٹ گئیں

وہ ایسا دن تھا جس سے دنیا روشن ہو گئی اور کبھی طلوع نہ ہوا

اس جیسا کوئی سورج اس جہاں میں اور نہ ہی کوئی چاند

آپ کے لیے دل کی گہرائیوں سے معطر سلام ہو

جس کی مہک کو آپ کی پاکیزہ خوشبو مزید معطر کر دیتی ہے

اور کسی پوچھنے والے نے پوچھا کہ تمہیں کس کی تڑپ ہے؟ میں نے کہا

مجھے طیبہ کی وہ تڑپ ہے جس کی کوئی حد و انتہا نہیں

اے فضاؤں کے رہبر! مجھے وہاں اتار دینا جب چمکنے لگیں

تمہاری آنکھوں کے سامنے وہ سبز گنبد اور مقدس حجرے

وہاں میں رسولِ خدا کی جالیوں کا رخ کروں گا تاکہ

اللہ سے بخشش مانگوں جہاں گناہ بخش دیے جاتے ہیں

آپ پر اللہ کی رحمتیں ہوں جب تک پڑھی جاتی رہیں گی

آپ کی محفلِ میلاد میں قرآن کی آیات اور سورتیں

اور آپ کی آل، اصحاب اور تمام پیروکاروں پر بھی

اور غوث، قطب اور ان تمام پیاروں پر جو حاضر ہوئے