اے انسان کو ہدایت کے اسباب عطا کرنے والے

اے وہ جو جہانوں کی حمد و ثنا میں یکتا ہے

اے میرے معبود! تیرے در پر میری ایک التجا ہے

جس میں زندگی بھر کی امید مجسم ہو کر آئی ہے

تو وہ ہے جس کے ہاں کوئی سائل کبھی محروم نہیں رہا

کیا میری التجا کے سامنے تیرا در مقفل ہو سکتا ہے؟

اے اللہ! تیرے فضل سے میں نے موحد ہو کر زندگی گزاری

کیا وہ تیرے در سے رد کیا جا سکتا ہے جو موحد بن کر آیا ہو؟

میرا سوال تیری ذات کی مانند ایک ہی ہے، پس اسی وحدت کے واسطے

مجھے ایک لمحے کے لیے ہی سہی، احمد (ﷺ) کا دیدار کرا دے