تمہارے جمال کے سوا میری نظر (کسی پر) حرام ہے

اور تمہارے کلام کے سوا میرے نزدیک کوئی کلام نہیں

تمہارے ساتھ گزری طویل عمر بھی دن کا ایک حصہ ہے

اور غیر کی ایک گھڑی برسوں پر محیط ہے

تم سے دوری پر میرا صبر کرنا محال ہے

اور تمہارے فراق کے سوا میرا کوئی قاتل نہیں

جب میں تمہارا مشاہدہ کرتا ہوں تو میرے غم مٹ جاتے ہیں

اور اگر تم اوجھل ہو جاؤ تو موت میرے قریب آ جاتی ہے

میری تمنا ہے کہ میں تمہارا ہم نشیں بن جاؤں

اور تمہارے ہی آستانے میں میرے خیمے نصب ہوں

پس وصال کے ساتھ ہجر کے اس مریض کا علاج کرو

جو کبوتروں کی نغمہ سرائی پر تمہاری یاد میں بے خود ہو جاتا ہے

تمہاری الفت میں اس کے عشق کی داستاں قدیم ہے

اور بیماری و نقاہت ہی اس کا لباسِ محبت ہے

تم تمام اصولوں میں سب سے بلند و بالا اصل ہو

اگر تم چاہو تو میری مراد پوری ہو جائے

تمہارے وسیلے سے مشکل امور آسان ہو جاتے ہیں

اے صاحبانِ کرم! اپنے احسان کے ساتھ سخاوت فرمائیے

تمہارے سوا کوئی جود و سخا کا اہل نہیں

پھر تمہارے آستانے کا مہمان کیسے محروم یا پریشان رہ سکتا ہے