Gonne o lesedi la kaelo mo dibopiweng tsotlhe

Mme o sephiri sa bopelotshweu, lona boitshwarelelo jo bo botoka

Mme ruri o mothusi wa popo yotlhe

O kaedi wa batho go Modimo wa boammaaruri

O yo o emeng mo maemong a pako a le esi

Go yo Mongwe, yo o Kgethegileng, yo o sa tswang mme a sa tshola

O yo dinoka di neng tsa phunyega di tswa

Mo menwaneng ya gagwe, a nosa masole ka thabang

Fa pogisego e nthethetsa e bile e ntshosa

Ke a re: Mong wa marena, wena thotloetso ya me

Nna moemedi wa me kwa go Yo o Mogau ka ntlha ya diphoso

Mme o nneele se se neng se se mo mogopolong wa me

Mme o ntebe ka leitlho la kamogelo ka gale

Mme o biye diphoso tsa me ka tshegofatso ya gago go ya go ile

Mme o nkutlwele botlhoko ka boitshwarelo jo bo nkamarelang

Gonne nna, mong wa me, ga ke a fapoga mo go wena

Ke kopile ka Mothopiwa, yo o gaisang botlhe ba

Ba tlhatlogetseng magodimo, sephiri sa yo o Mongwe, yo o Kgethegileng

Morena wa bontle, Modimo Mmopi wa gagwe o godile

Gonne yo o tshwanang le ene mo popong yotlhe ga ke a mo fitlhela

Yo o gaisang dibopiwa, mogolo wa barongwa

Letlotlo la batho le mokaedi wa bone go ya tshiamong

Ke tshabetse mo go ene gore gongwe Modimo o tla ntshwarela

Se ke sona se se mo mogopolong le mo tumelong ya me

Pako ya gagwe e ntse e le tiro ya me botshelo jotlhe

Mme lorato lwa gagwe ke thotloetso ya me fa go Morena wa Sedulo sa Bogosi

Dithapelo tse di phepa di nne mo go ene ka go sa feleng

Le kagiso e e se nang tekanyo kgotsa palo

Le balelapa le ditsala, batho ba kgalalelo botlhe

Le ba ba ba latelang ka molemo go ya bofelong