Ke dimpho tse di tswang mo moseng wa Morena wa rona

mme ke eng mo kabong ya Gagwe se se sa gakgamatseng?

Moletlo wa morati ke go kopana le Moratwa wa gagwe

kgalalelo e nne go Ene yo o re atametsang a ba a tsenya lorato lono

Ke na le ditsala tsa maemo a a kwa godimodimo

ba na le diphiri tsa semoya tse di ka se balegeng kgotsa tsa kwalwa

Dimpho tse di kwa godimo tseno ga di a tsewa ka kgaratlho

gonne bopelonomi jwa Mosireletsi bo ka se lekanyediwe

Yo o neng a beetswe kabelo ya tshegofatso o tla e bona

a e neelwa ka botlalo, kwa ntle ga matsapa kgotsa go lapa

Phefo e e fokang ya Moabi wa tsotlhe e gaufi

ikatametse mo go yona, wena lekolwane, mme o nne gaufi

Gongwe yo o gofetseng o tla bona Mofodisi wa gagwe

mme botshelo bo nne monate le go nna phepa le go feta

A Modimo a tshele ditshegofatso, fa fela megopolo e e tlotlegang

e tlhaloganya mafoko a a tshwanetseng go kwalwa ka dikeledi tsa matlho

Mo go yo o molemo wa popo, Moeteledipele, Moratwa wa Gagwe

le mo lelapeng la gagwe le botlhe ba ba nang le ene ka bophepa