Itlhaganele! ruri dikatso di go fetile

Ba di kgaogantse mme wena o robetse

Fa o ka bo o bone ba ba fentseng sefoka

O ka bo o lelele jaaka maphoi a lela

Fa o batla go tlhoka boitshwaro le ka motlha

Tsoga mme o momarele Moratwa wa dipelo

Ngaparela Mojako, wena moya o o lapileng

Gonne ruri yo o segofetseng ke yo o nnelang

Yo o nnelang fa Mojakong o bona tsalano

Mme o fenya tuelo e kgolo le dikatso

O se ka wa robala mo nakong ya Ponalego ya Modimo

Gonne morobadi a ka se ke a amogela tuelo

Dibibe di ntsentse dintho mo pelong ya me

Mme ga ke bone setlhare sa go e fodisa

Kwa ntle ga boitumelo jwa Gago, Morena wa me

Wena wa bopelotshweu jo bo anameng le tlotlo e e sa feleng

Mme re batlile tsalano le Wena, Morena wa me

Ka Mong wa Maarabia le ba e seng Maarabia

Moporofeti wa rona, Motlhophiwa wa Tihama

Yo o tlileng e le Setempe sa Baporofeti