Pono ya me mo go ba sele ntle le bontle jwa lona ke moila

Mme puo e sele ntle le ya lona mo go nna ke go bua fela

Botshelo jwa ntsu le lona ke bontlhanngwe jwa letsatsi

Mme ura e le nngwe ntle le lona ke ngwaga mo godimo ga ngwaga

Go nna pelotelele ntle le lona ke selo se se sa kgonagaleng

Mme ga go na se se mpolayang fa e se go kgaolwa mo go lona

Fa ke lo bona matshwenyego a me a a nyelela

Mme fa lo seyo loso lo a nkatamela

Ke eletsa go nna molekani yo o ntseng le lona

Mme go tlhongwe ditante tsa me mo mafulong a lona

Alafang molwetse wa kgaogano ka kopano

Yo o gakalang ka lorato lwa lona fa lephoi le letsa molodi

Polelo ya lorato lwa gagwe mo go lona ke ya bogologolo

Mme seaparo sa gagwe sa lorato ke bolwetse

Gonne lona mo meding lo motheo o o tlotlegang thata

Fa lo rata, maitlhomo a me a a fitlhelelwa

Ka lona mathata a a boima a nna motlhofo

Ka jalo, nnang le bopelotshweu, lona ba ba tlotlegang

Mme ga go ope yo o tshwanelwang ke bopelotshweu fa e se lona

Moeng wa kgotla ya lona a ka bogisiwa jang?