Ito ang dakilang antas na naging kanlungan ng mga bansa

At nagpasailalim sa rurok nito ang mga Arabe at dayuhan

Ito ang antas ng Sugo ng Allah, ang pinakamarangal na nilalang

Na pinagkalooban ng kanyang Panginoon ng mga batas at karunungan

Ito si Muhammad ang Patnubay na siyang nagpawi

Sa amin ng mga kadiliman sa pamamagitan ng liwanag ng kanyang gabay

Ito ang siyang pumailanlang nang higit pa sa kalangitan

Patungo sa rurok ng dangal na hindi maabot ng ibang mga bansa

O aking pinuno, O Sugo ng Allah, O aking pag-asa

O ikaw na aking sinisilungan sa tuwing ang aking paa ay nadudulas

Sa pamamagitan mo ay nagabayan ako sa pananampalataya at nakamtan

Ang masaganang biyaya mula sa iyong mga pagpapala

Sumaiyo ang pagpapala ng Maylalang ng lahat hangga't humuhuni

Ang mga kalapati at bumubuhos ang ulan mula sa mga ulap