Аз ҷамоли олам бодаи ман аст

Онро холису ҳалол чашидам

Он аз авсофи Бадри (моҳи) ман аст

Ки он ҷамоли комилро дар бар гирифтааст

Рӯе, ки дурахши он падидор гашт

Ва олам оинаи он гардид

Агар эй дил дидори Ӯро хоҳӣ

Пас хоҳиши худро бо хости Ӯ як кун

Ман бо рӯҳ осмони паҳноварам

Ман бо ҷисм ғубору хокам

Ман гулам ва ман об ҳастам

Аз ваҷду сармастии худ саргардонам

Рӯҳ ба ҷойгоҳи баланди худ баромад

Ва дил нигаҳбону посбони он шуд

Ва ҷисм ба роҳи худ шитофт

То бо он ба орзуи ниҳоии худ бирасад

Эй маломатгаре, ки аз рӯи ҷаҳл таъна мезанӣ

Ошиқеро, ки ба мақоми висол расидааст

Агар аз рӯи сидқ маломат кунӣ, гирифтор мешавӣ

Ва ҳамон замон таъми ин ишқро мечашӣ

Бо фано шуданат аз ҳар чӣ ҷуз Ӯст

Ба паҳнои бақои Ӯ паноҳ мебарӣ

Ва бо сардии шароби ризои Ӯ

Сӯзиши иштиёқи дил хомӯш мегардад

Дуруди Худованд ҳадя бод

Хушбӯйтар аз ҳар накҳату атр

Бар Паёмбаре, ки зуҳур намуд

Ки нури Ӯ гумроҳиро маҳв месозад

Бо саломе, ки интиҳо надорад

Ва бар Оли ӯ, ки аҳли ҷоҳу мақоманд

Ва бар асҳоб ва ҳар ки пайрави ӯст

Ва бар тамоми мардони Худо