தூதர்களின் தலைவரே, தாழ்ந்த இவ்வடியானுக்கு உதவி புரியுங்கள்

என் இதயத்தின் காதலருடன் இணைவதைக் கொண்டு இந்த எரிதழல் அணையும்.

நீண்ட தூர விரக்திக்குப் பின் அல்லாஹ் மீண்டும் இணைக்கக் கூடும்

அவன் நாடிய அனைத்தின் மீதும் பேராற்றல் கொண்டிருக்கையில் நான் எவ்வாறு விரக்தியடைவேன்?

ஐதீத் பெருவிழாவைக் காணப்பெற்றால் நான் என்ன செய்வேன் என்று நேர்ச்சை செய்தேன்

எழில் கொஞ்சும் பள்ளத்தாக்கே, உன்னைப் போன்றதொரு எழில் வேறெங்கும் இல்லை.

அவர்களிடம் சொல்லுங்கள்: தனித்து நிற்கும் இந்த அந்நியன் மீது நீங்கள் இரக்கம் காட்டமாட்டீர்களா?

இந்தப் பிரிவே போதும், போதும்; இதற்கு மேல் சகித்துக் கொள்ள இனி ஏதுமில்லை.

என் ஏக்கம் என்றும் குறைவதில்லை; அது நிலையானது, புத்துணர்வானது

உயர்ந்த அந்தஸ்துகளைக் கொண்ட ஐதரூஸுக்காகவும், பேறுபெற்ற ஸஅதுக்காகவும்.

எனக்காக எத்தனையோ எதிரிகளையும் பிடிவாதக்கார அக்கிரமக்காரர்களையும் அவர்கள் அழித்தார்கள்

என் ஆற்றல் குறைந்தாலும் அவர்கள் மூலமாக நான் மக்களிடையே மேன்மையானவனாக இருக்கிறேன்.

ஒவ்வொரு ஆண்டும் அவர் தளர்ந்துவிட்டார் என்கிறார்கள், ஆனால் நானோ பெருகுகிறேன்

என் இறைவனின் உதவியால், புகழுக்குரிய இறைநேசரைத் துதித்து என் வேண்டுதலை நிறைவு செய்கிறேன்.

அஹ்மது மீது ஸலவாத் சொல்லுங்கள், அஹ்மது மீது ஸலவாத் சொல்பவர் நற்பயன் அடைவார்