படைப்புகளின் சிறந்தவரிடம் கையேந்தி

பாக்கியம் பெறாதவர் எவருமில்லை

அதனால்தான் அவரிடம் நான் கையேந்தினேன்

அதன் மூலம் நான் பாக்கியவான்களில் ஒருவனானேன்

அவர் இறைவனை அடையும் உயரிய வாயில்

கண்ணியத்திலும் மேன்மையிலும் அவர் தனித்துவம் மிக்கவர்

அனைத்தும் அவர் அழைப்பின் மூலமே இறைவனுடன்

தொடர்பு பெற்று அருளைப் பெற்றுக்கொண்டன

இக்கட்டான நேரத்திலும் இனிய நேரத்திலும்

என் வாழ்நாள் முழுவதும் அவர் புகலிடத்தையே நாடுகிறேன்

என் சேமிப்பே! எனக்கு உதவுங்கள் என அழைக்கிறேன்

உங்கள் கரங்களிலிருந்து எனக்கு அருளை வழங்குங்கள்

என் நம்பிக்கையே! என் மீது கருணை காட்டுங்கள்

இதயத்தின் நோய்களிலிருந்து அதற்கு நிவாரணம் அளியுங்கள்

உங்களை நேசிப்பவர் அச்சத்தில் இருக்க முடியுமா?

உங்கள் அந்தஸ்தினால் நான் எவருக்கும் அஞ்சமாட்டேன்

காலம் எனக்குத் துன்பம் இழைத்தாலும் உதவியாளர் இல்லாவிட்டாலும்

உங்களைத் தவிர வேறு எவரையும் நான் நாடமாட்டேன்

உங்கள் வாழ்வின் மீது சத்தியமாக என் மீது பார்வை செலுத்துங்கள்

ஸஜ்தா செய்தவர்களில் சிறந்தவரே, அருட்கொடை வழங்குங்கள்

ஆரம்பம் முதலே நீங்களே தேர்ந்தெடுக்கப்பட்டவர்

சமூகங்களின் பரிந்துரையாளர்களில் மிகச் சிறந்தவரே

ஒன்றுமில்லாத நிலையிலிருந்து உங்களது ஒளியால்

இப்படைப்பின் முகம் பிரகாசித்து வெளிப்பட்டது

அளவற்ற இறைவனின் ஸலவாத்துகள்

உயர் அந்தஸ்து கொண்டவரே உங்களுக்கு உரித்தாகட்டும்

உமது குடும்பத்தினர் மற்றும் கண்ணியமான தோழர்கள் மீதும்

ஒட்டகப் பாகன் பாடல் இசைக்கும் காலம் வரை ஸலவாத்துகள் நிலவட்டும்