உன்னையன்றி வேறொரு கவலை எனக்கு இல்லை, அதை நீ அறிவாய்

உன்னோடு நெருங்கியிருப்பது ஒரு வெற்றி, தூரமாவது ஒரு இழப்பு

என்னை உன்னிடத்தே உன் அரவணைப்பில் சேர்த்துக்கொள்

நான் அறிந்த யாவற்றிலும் உன்னுடையவனாகவே நான் கருதப்படுகிறேன்

நீயே என் இலட்சியம், எனவே எனக்கு வழிகாட்டியாய் இரு

இதயம் தாகத்தால் வாடுகிறது, எனவே இந்தத் துயரை அகற்றிவிடு

நீ எனக்காக இல்லையென்றால் வேறு யார் எனக்கு உளர்?

என் எளிய நிலையை நீ காண்கிறாய், நீயோ மகா கருணையாளன்

சிறந்த வழிகாட்டியே! எத்தனை முறை நான் அழைக்கிறேன்

இந்தப் பிரிவு போதுமானது, உனது கொடை எங்கும் பொங்கி வழிகின்றது

ஒன்றிணைதல் எனும் ஒளியின் மணக்கொடை மிக உயர்ந்தது

உன்னையன்றி எனக்கு யாருமில்லை, அருள்புரிந்து வாரி வழங்குவாயாக

நெருக்கமும் தூரமும் எனக்கு சமமானவையே

ஏனெனில் எனது நல்வழி நீ எனக்கு வகுத்ததிலேயே உள்ளது

வாழ்வின் ஆன்மாவை எனது பரிசாக ஆக்குவாயாக

என் உயிரின் காதலரே, ஆசிரியரான தாஹா அவர்களே

எனது நோக்கம், அன்பு மற்றும் நேசத்தை நீ அறிவாய்

எனவே ஒவ்வொரு வெற்றியிலும் குர்தீயுடன் இருப்பாயாக

என் இறைவனின் அருளாசி என் இதயத்தின் காதலர் மீது உண்டாகட்டும்

வழிகாட்டியான தாஹா அவர்கள் மீது சாந்தி நிலவட்டும்