அவர் திருவடி தீண்டிய மணலைப் பார்த்து நான் பொறாமை கொள்கிறேன்

அவர் சுவைத்த அந்த இனிமையான தேன் மீது நான் ஏங்குகிறேன்

அவர் தலைக்கு மேல் நிழல் தந்து நின்ற பறவைகள் மீது

அவருக்காகப் புனித வலை பின்னிய அந்தச் சிலந்திகள் மீது

கொடிய பகைவர்களிடமிருந்து அவரைக் காத்திட முயன்றவை

கடல் பரப்பிலிருந்து உருவான மேகங்கள் மீது பொறாமை கொள்கிறேன்

தகிக்கும் வெயிலிலிருந்து அவருக்கு அவை நிழல் தந்தன

அந்தச் சூரியனின் ஒளியும் கூட இணையாக முடியாது

பேரொளி வீசிய அவருடைய அந்தத் திருமுகத்தின் பிரகாசத்திற்கு

கார் இருள் சூழ்ந்த இரவிலும் அனைத்தும் தெளிவாகத் தெரிந்தன

அவரைக் கண்டு திகைத்து நின்ற பார்வையற்ற மரங்கள் மீது பொறாமை கொள்கிறேன்

அவருடைய எழில் கோலத்தைக் கண்டு மெய்மறந்து நின்றவை

கதிரவன் உதித்ததா என்பதை அவை அறியவில்லை

ஆனால் தங்களை ஒருமித்த ஆன்மாக்களாக உணர்ந்தன

தொழுது நோன்பு நோற்ற நல்லடியார்களுடன் இணைந்து

அவர் சொன்னார் என்பதற்காக மட்டுமே அவர்கள் செய்தார்கள்

உண்மை, கருணை மற்றும் அறப்பண்புகளுடன்

பேரொளியைத் தந்த இறைவனிடமிருந்து வந்த தெளிவு அது

இறைவன் அனுப்பிய தூதரிடமே அவனது பேரருள் பொதிந்துள்ளது

நம் இதயங்களை விண்ணுலகின் பால் செம்மைப்படுத்திட

அவர் அருகில் இருந்த அனைவர் மீதும் நான் பொறாமை கொள்கிறேன்

காலத்தின் மாற்றத்தை நேரில் கண்ட பாக்கியவான்கள் அவர்கள்

சத்தியம் வென்று பொய்மை அகன்று ஓடிய அந்த வேளையில்

நம்பிக்கை மரித்த ஆன்மாக்களுக்கு மீண்டும் உயிர் கொடுத்தபோது

அவர் மூலம் ஆண்களும் பெண்களும் இறையருளைக் கண்டடைந்தனர்

இறைவனின் மாண்பு பொருந்திய திருமுகத்தைத் தேடிட ஒன்றிணைந்தனர்

அவர் பருகிய அந்தக் கிண்ணத்தின் மீது நான் பொறாமை கொள்கிறேன்

நாம் சிந்திக்கத் தூண்டிய அவருடைய உன்னத எண்ணங்கள் மீது

அவர் மனதைக் கடந்த ஒரு சிறு சிந்தனையாக நான் இருந்திருக்கக் கூடாதா

அவரைப் பேரன்புடன் செயல்படத் தூண்டிய அந்த நினைவாக

எனக்கு இவ்வுலக வாழ்வு ஒரு துளியும் பொருட்டல்ல

நான் வெறும் ஒரு சிறு எண்ணமாக மட்டும் இருக்க முடிந்தால்

காலங்கள் கடந்தும் அவரிடமிருந்து இறைவனைச் சென்றடையும் ஒன்றாக

இறைச்செய்திகள் படிப் படியாக அருளப்பட்ட அந்தத் தருணங்களில்

இதை விசித்திரம் என்று எண்ணுபவர்கள் மீது பரிதாபம் கொள்கிறேன்

இறைவன் ஒருவனே என்று அவர் முழங்கியதைக் கேட்டு

அல்லது அவர் மனித குலத்திற்கு இறைவனால் அனுப்பப்பட்டார் என்பதை

மனித ஆன்மாக்களின் விவேகத்தைச் செதுக்கிச் சீர்படுத்திட

அகந்தையே நம் அகக்கண்களை மறைக்கும் திரையாக உள்ளது

நல்லோர்கள் அவரது பேரொளியைக் காண்பதைத் தடுப்பதும் அதுவே

இறைவனின் அடிமைகளாக வாழ அவர் நமக்குக் கற்றுத் தந்தார்

அவரே மறுமையில் நம்மைப் பரிந்துரைத்துக் காப்பவராகவும் இருப்பார்

பாவமான பெருமையிலிருந்து மனித குலத்தை மீட்டெடுக்க வந்தவர்

முஹம்மது நபியவர்களின் துணையாக என்றும் இறைவன் இருக்கிறான்

எனவே இந்த நன்னாளில் ஆசி பெற்றுப் புகழ் பாடுங்கள்

நம் வாழ்வின் வசந்தத்தை அழகாக்கவே அவர் பிறந்தார்

லிலி மலர்கள் பூக்க, வாழ்வின் மறுமலர்ச்சி பெற்றிட

இப்பூமியில் உள்ள அவரது அந்தப் பச்சை குப்பத்தைப் போல