முஸ்தபா எனும் தேர்ந்தெடுக்கப்பட்டவரின் புனிதத் தலத்திலிருந்து ஒரு தென்றல் எம்மீது வீசியது

இன்பமும் மருந்தும் நிவாரணமும் சுமந்ததொரு தென்றல் அது

அதன் நறுமணத்தை நுகர்வதால் எமது புறமும் அகமும் சீரடைகின்றன

எவ்வேளையிலும் நபியைப் பின்பற்றி நடப்பவர் எவ்வளவு பாக்கியசாலி!

உறுதியும் விசுவாசமும் கொண்டோருடன் உண்மையான பாதையில் பயணித்து

அவர்களே மாமனிதர்கள், அவர்களே உண்மையான கண்ணியமிக்கவர்கள்

அவர்களே இறை இரகசியங்களின் மக்கள், தூய்மையின் உறைவிடங்கள்

ஒட்டகப் பாகனே பாடு! நபியின் நினைவால் என் நிலை தூய்மை பெற்றது

அல்லாஹ்வின் கொடையின் ஊற்று தோன்றும்போது அவன் எம்மை மன்னிக்கிறான்

அல்லாஹ் எனக்குப் போதுமானவன்; அவன் எத்துணை சிறந்த பாதுகாவலன்!

அவனிடமிருந்தே பரிசுகளும் சுகமும் நிவாரணமும் வருகின்றன

மகா கொடையாளியே, மன்னிப்பவர்களில் என் இறைவனே மிகச் சிறந்தவன்

உமது அடியார் முஸ்தபா அவர்களின் தோழமையை எமக்குத் தந்தருள்வாயாக

அவருடைய நேர்வழியைப் பின்பற்றியவர்களின் பாதையில் எங்களை நடத்துவாயாக

நாங்கள் அதில் நிலைத்திருக்கவும் நபியின் வாரிசுகளைப் பின்பற்றவும் செய்வாயாக

அல்லாஹ்வின் நேசரும் விசுவாசத்தின் கருவூலமுமான அஹ்மதின் கண்ணியத்தினால்

மழை பெய்து நிறைவு தரும் வரை இறைவன் அவர் மீது அருள் புரிவானாக

வானில் மின்னல் மின்னும் காலமெல்லாம் அவர் குடும்பத்தினர் மற்றும் தோழர்கள் மீதும் (அருள் உண்டாகட்டும்)