என் இதயத்தைக் கேளுங்கள், அதனிடம் வினவுங்கள், அது உங்களுக்குத் தெரிவிக்கும்

நீங்கள் மறைந்திருக்கும் வேளையில் என்னைப் பற்றி, ஏனெனில் உங்களது முன்னிலை அதில்தான் உள்ளது

அண்டத்தையே ஒளிரச் செய்த முழுமதிகளே!

உங்களை நான் நினைவுகூரும் போது என் இதயம் தேடும் ஆறுதல் மட்டும் இல்லையெனில்

அதன் மேல் என் கரத்தை வைக்காவிடின் அது ஏக்கத்தில் பித்தாகி இருக்கும்

என் கண்ணீர் உலகக் கடல்களுடன் கலந்தால், அது அவற்றையே மூழ்கடித்துவிடும்

ஏக்கத்தீயின் வெப்பத்தால் உறக்கமிழந்த கண்களிலிருந்து வழியும் கண்ணீர்

பெரும் காதல் வேட்கை என் உள்ளத்தைப் பிளந்து சிதறடித்துவிட்டது

என் இதயத்திற்கு அருகே நெருப்பைக் கொண்டு வந்தால், அது அந்த நெருப்பையே பொசுக்கிவிடும்

நெருப்பையே பொசுக்கிய ஒரு இதயத்தைப் பற்றி நீங்கள் எப்போதாவது கேள்விப்பட்டதுண்டா?