ஓ நபிமார்களில் மிக எழிலானவரே!

ஓ தேர்ந்தெடுத்தோரில் மிக முழுமையானவரே!

ஓ தூதர்களின் முத்திரையே! என்

இதயத்தில் நீங்கள் எவ்வளவு இனியவர்!

ஓ அகிலங்களின் மூலப்பிரதி எவர்

தங்களுக்குள் சுருட்டி வைக்கப்பட்டுள்ளதோ அவரே!

ஆதியற்ற நித்தியமானதொரு பரிசு

முழுமையான பரிந்துரை எனும் கொடை

அருளப்பட்டவர் நீங்களே

படைப்பினங்கள் யாவும் அந்நாளில்

இறைத்தூதர்களைத் தேடி அலையும்போது

அப்போது மனிதகுலத்திடம் சொல்லப்படும்:

"உங்கள் பெரும் பேற்றினை அடைந்துவிட்டீர்கள்—

முஹம்மதிடம் செல்லுங்கள், அவரே

மேலான இறைவனின் திருவாயில்."

அவரின் அத்தாட்சிகள் அருமருந்தானவை

அவரே அதற்காகத் தயார் செய்யப்பட்டவர்

அவரே நிறைவான புகழுக்குரியவர்.

பின்னர் அவர் ஸஜ்தாவிலிருந்து அழைப்பார்:

"என் இறைவா! வாரி வழங்குவாயாக, உவந்துவிடுவாயாக!"

"பரிந்துரைப்பீராக நேசரே!" என அழைக்கப்படும்

"ஓ தேர்ந்தெடுத்தோரில் தூய்மையானவரே!

கேளுங்கள், நாடுகின்ற யாவும் தரப்படும்

பாவிகள் எவரையும் விட்டுவிடாதீர்கள்."

ஓ தேர்ந்தெடுத்தோரில் தூய்மையானவரே!

வானங்களைக் கடந்து விண்ணுயர

ஏறிச் சென்றவர் மீது ஸலவாத் சொல்லுங்கள்

நாளை நம்மிடமிருந்து இடர்களை எல்லாம்

களைந்தெறியும் நேசர் இவரே

எங்கள் இறைவா! அவரின் தூய இதயத்தின்

கனிவை எங்கள் பக்கம் திருப்புவாயாக

கஸ்தூரி மணத்துடன் எங்கள் முடிவை நிறைவாக்கு

இறைஞ்சுவோர்க்குப் பதிலளிப்பவனே!

உந்தன் உள்ளார்ந்த இறை இரகசியங்களைக் கொண்டு