என்னைக் கண்டிப்பவரே, என்னைப் பழிக்காதீர்

ஏனெனில் காதலன் மீது பழி ஏதுமில்லை

என் அருகே வந்து என்னைப் பற்றி மொழிவீர்

ஏனெனில் காதலின் கலையில் நான் ஒரு தலைவன்

அன்பிற்குரியவர்களின் அந்த மது ஊற்றப்படுகிறது

அது அனுமதிக்கப்பட்டதே அன்றி விலக்கப்பட்டதல்ல

அழகிய கண்களின் ஊற்றிலிருந்து அது நிறைகிறது

அருளாளனும் சாந்தியளிப்பவனுமானவன் அதைப் பாதுகாக்கிறான்

பெருவிருப்பு கொண்ட சகோதரரே, உம் திசையைத் திருப்புவீர்

கண்ணியமிக்க தூதர்களின் தலைவரிடம்!

இறைநினைவைப் பற்றிப் பிடித்து மெல்ல இசைப்பீராக

அன்னார் மீது ஸலவாத்தும் ஸலாமும் பொழிந்து

அல்லாஹ்வின் நேசர் அஹ்மதுக்கு அவை உரித்தாகட்டும்

இருள் சூழும் ஒவ்வொரு பொழுதும்

அவரை நேசிக்கும் எவரும் பேரின்பம் காண்பார்

மேலும் நன்மையான முடிவையும் எய்துவார்