விரைந்திடு! திண்ணமாக நற்பேறுகள் உன்னைக் கடந்து போயின

நீ ஆழ்ந்த உறக்கத்தில் இருக்கையில் அவை பங்கிடப்பட்டன

வெற்றி பெற்றவர்களை நீ கண்டிருப்பாயானால்

புறாக்கள் புலம்புவது போல நீயும் புலம்பியிருப்பாய்

வருத்தத்தை நீ ஒருபோதும் சுவைக்கக் கூடாது எனில்

எழுந்து இதயங்களின் காதலனைப் பற்றிக் கொள்

ஓ சோர்ந்த ஆன்மாவே! அந்த வாசலையே பற்றியிரு

உறுதியுடன் பற்றி நிற்பவனே உண்மையான பாக்கியசாலி

வாசலை எவர் பற்றி நிற்கிறாரோ அவர் நெருக்கத்தை அடைவார்

பெரும் கூலியையும் நற்பேறுகளையும் வெற்றியெனப் பெறுவார்

இறையொளி வெளிப்படும் வேளையில் உறங்கிவிடாதே

உறங்குபவன் ஒருபோதும் நற்கூலியை அடைய முடியாது

பாவங்கள் என் இதயத்தை ஆழமாகப் புண்படுத்திவிட்டன

அவற்றைக் குணப்படுத்த எந்த மருந்தையும் நான் காணவில்லை

என் இறைவா! உனது திருப்தியைத் தவிர

ஓ மாபெரும் கொடையும் எல்லையற்ற அருளும் உடையவனே!

என் இறைவா! உன்னிடம் நாங்கள் நெருக்கத்தைத் தேடுகிறோம்

அரபிகளுக்கும் அரபியல்லாதவர்களுக்கும் தலைவரானவரைக் கொண்டு

எமது நபியும், தேர்ந்தெடுத்த திஹாமியுமான அவர்

நபிமார்களின் இறுதி முத்திரையாக வந்தவராவார்