Tina éndahna alam dunya inuman abdi

Diicip ku abdi murni tur halal

Éta téh tina sipat-sipat bulan purnama abdi

Anu ngawengku sakumna éta kaéndahan

Raray anu geus moncorong cahayana

Sarta jagat raya geus jadi eunteungna

Upami haté anjeun hoyong papendak sareng Anjeunna

Mangka jadikeun kahayang anjeun saluyu sareng kahoyong-Na

Abdi ku ruh mah mangrupa langit

Abdi ku jasad mah mangrupa kekebul

Abdi téh kembang, abdi téh cai

Abdi sasar ku rasa cinta anu kacida amisna

Jeung ruh geus naék ka darajatna

Sarta haté jadi anu ngajagana

Jeung jasad lumampah dina jalanna

Pikeun ngahontal naon anu jadi cita-citana

Hé jalma nu nyela lantaran kabodoan

Ka nu keur kasmaran anu geus nepi kana panyatuna

Upami anjeun nyawad kalayan jujur, anjeun bakal dicoba

Sarta bakal ngarasakeun ieu cinta harita kénéh

Kalayan leungitna diri anjeun tina salian ti Anjeunna

Anjeun nyalindung dina kalanggengan-Na

Sarta ku tiisna inuman karidhoan-Na

Mareuman panasna duriat dina jero haté

Mugia sholawat Allah dipasrahkeun

Nu leuwih seungit batan sakur wawangian

Ka Rasul anu geus nembongan

Anu cahayana mupus sakur kasasatan

Kalayan salam anu teu aya tungtungna

Sarta ka kulawarga, jalma-jalma nu mulya darajatna

Sarta para sahabat jeung sing saha nu satia ka anjeunna

Jeung sakabéh jalma-jalma pilihan Allah