Duh Gusti nu pangéndahna ti sakur Nabi

Duh nu pangsampurnana ti para jalma pilihan

Duh Pamungkas para Rosul

kacida amisna anjeun dina jero haté

Duh anjeun anu naskah sakabéh alam

jeroeun anjeun karingkes tur kagulung

Paparin anu sipatna azali

Anjeun pisan anu dipaparin

pitulung syafaat anu sampurna

Nalika harita sakabéh makhluk

nangan paranti nyalindung ka para nabi

Tuluy diucapkeun ka sakabéh manusa

saestuna maranéh geus meunang harepan

Pék tuju ka Kangjeng Nabi Muhammad

panto Gusti Allah nu Maha Luhur

Tanda-tanda kaagunganana jadi ubar

Anjeunna anu parantos disadiakeun pikeun éta

sarta anu gaduh pujian anu sampurna

Tuluy anjeunna sasambat bari sujud

Duh Gusti, paparin sarta mugi Ridho

Digeroan: Méré syafaat wahai kakasih

duh anu pangsuci-sucina ti jalma pilihan

Pék penta pasti dipaparin naon nu dipiharep

sarta ulah nyesakeun jalma nu boga dosa

Duh nu pangsuci-sucina ti para jalma pilihan

Mugi sholawat dilungsurkeun ka anjeunna nu luhur

unggah ka luhureun sakabéh langit

Ieu téh kakasih anu engké dina poé isuk

bakal mupus sagala kasusah ti diri urang

Duh Gusti Pangeran abdi sadaya, mugi malikeun ka abdi

kadeudeuh haténa anu suci murni

Jeung pungkasan hirup abdi ku pungkasan seungit kasturi

duh Dzat anu ngabulkeun kana panyambat doa

Kalayan rupa-rupa rusiah anu dzatiyyah