Ke na le baratuoa ho la Medina bao, ha ba ntalima

matshwenyeho a ka a nyamelang mme mahlomola a fele.

Pelo e be boiketlong le thabong

e kgaphatsehang, mme ke tsamaisane le katleho le phenyo.

Lona batho ba Tayba, tlohong hobane ke kopa thuso

mme ke letetse seo ke neng ke se tshepile.

Ke meetlo ya lona hore moratuwa ha a

le bitsa ka puo ya lerato, o a thoba mapadi.

Lerato le tletse sefubeng sa ka, le bile le iponahatsa

ka sebopeho sa ka haeba ditshwantsho di fana ka bopaki.

Oena Morena wa barumuwa, nthuse hobane ha ho sa setse

leano le leng haese lerato la gago le mpolokileng.

Tswalo ya gago e bohlokwa e ho Modimo, eo ka yona

lefatshe le thabileng mme ditsietsi di tlohang.

Letsatsi leo lefatshe le khantseng ka lona, ha ho eso chabe

letsatsi le tshwanang le lona kapa kgwedi.

Tumeliso ho wena e tswang pelong e nkgang hamonate

eo monko wa yona o eketsoang ke moya wa gago o nkgang monate.

Ho ya mpotsang hore ke hlolohetswe eng, ke mo arabile

ke hlolohetswe Tayba ka hlolohelo e se nang moedi.

Oena molaodi wa moya, nkotlele fatshe ha ho phatsima

mahlong a gago ntlo e tala le dikamore.

Moo ke tla ya fenstereng ya Morumuwa e le hore

ke kope tshwarelo ho Modimo moo dibe di tshwareloang.

Ditlhohonolofatso tsa Modimo di be hodima gago hafeela

ho balwa ditemana le dikgaolo moketeng wa tswalo ya gago.

Le lelapa la gago, metswalle, le balatedi bohle

le bapholosi, le ditshiya, le baratuwa ha ba fihla.