Potlaka! ruri dikhaphu di o fetile

Ba di arolelane ha o ntse o robetse

Hoja o bone ba fihleletseng moputso

O ne o tla bokolla jalo ka maeba

Haeba o lakatsa ho se be le boikwahlayo

Tsoha o kgomarele Moratuwa wa dipelo

Kgomarela monyako, oho moya o khathetseng

Hobane ya lehlohonolo ke ya tiiselang

Ya kgomarelang monyako o fumana ho atamela

Mme o hapa moputso hammoho le dikhaphu

O se ke wa robala nakong ya Ponahatso ya Modimo

Hobane ya robetseng a ke ke a fumana moputso

Dibe di nthemaditse pelo ya ka haholo

Mme ha ke fumane seka-moriana bakeng sa tsona

Ntle le kamohelo ya Hao, oho Morena wa ka

Oho Wena wa seatla se bulehileng le mohau o se nang moedi

Mme re batlile ho atamela ho Wena, oho Morena

Ka Morena wa Ma-Araba le bao e seng Ma-Araba

Moporofeta wa rona, Mokgethwa, Mo-Tihami

Ya tlileng e le Sekanditso sa Baporofeta