Magaalada waxaan ku leeyahay gacal hadday i eegaan

Welwelkaygu wuu tagaa dhibaataduna way burtaxdaa

Qalbigu wuxuu noqdaa mid wehel iyo farxad weyn ku jira

Waxaana i weheliya guul iyo libin joogto ah

Reer Dayboow kaalaya waayo anigu waan xanuunsanahay

Waxaanan sugayaa wixii aan xaggiinna ka rajeeyey

Waxay caadadiinnu tahay in kii wax jecel hadduu idiin yeedho

Isagoo adeegsanaya carrabka jacaylka inuu bogsado

Jacaylka ayaa buuxiyey laabtayda xataa wuxuu ku jidhoobay

Shaqsiyaddayda haddii ay muuqaalladu wax tilmaamayaan

Sayidkii rusushow ii soo gurmad waayo iima hadhin

Wax xeelad ah aan ahayn jacaylkaaga aan kaydsaday

Alle ha u hillaadiyo dhalashadaada qaaliga ah ee ay ku faraxday

Adduunyadu, dhibaatooyinkiina ay ku suusheen

Waa maalin ay dunidu iftiantay oo aanay marna soo bixin

Cadceed iyo dayax toona maalin la mid ahi

Waa salaam udgoon oo kaa timid qalbi kuu daryeelaya

Oo carafteeda ay kordhinayso ruuxdaada carafta leh

Mid i weydiiyay waxaad u xiisaysaa ayaan ku idhi

Waxaan u xiisayaa Dayba xiiso aan xad lahayn

Duuliyaha hawadow i deji marka ay u muuqato

Ishaada qubbada cagaaran iyo qolalkii sharafta

Halkaas ayaan abbaarayaa daaqadda Rasuulka si aan

Alle u weydiisto dambi dhaaf meesha dambiga lagu dhaafo

Korkada ha ahaato naxariista Alle inta la akhriyayo

Xafladda dhalashadaada aayadaha iyo suuradaha Quraanka

Iyo ehelka, asxaabta iyo inta raacday dhammaantood

Iyo Gawska, Qudbiga iyo gacallada goob-joogga ah