هېچا د مخلوقاتو غوره ته د اړتیا لاس نه دی غځولی

مګر دا چې په هغه سره نېکمرغه او بختور شوی دی

نو ځکه ما هم هغه ته خپل د حاجت لاس اوږد کړ

او په دې توګه زه هم له نېکمرغو کسانو څخه شوم

هغه د الله لور ته یو داسې در دی چې اوچت او لوړ دی

په شرافت کې او په هر کمال کې تر نورو ممتاز دی

هر چا د ده په بلنه له الله سره پیوستون وموند

او د ده په وسیله یې الهي مرسته او تائید ترلاسه کړ

زه په سختۍ او په اسانۍ کې

د ټول عمر لپاره د هغه په پناه کې پناه اخلم

او وایم چې اې زما د ورځې ذخیرې، زما فریاد ته ورسېږه

او له خپلو مبارکو لاسو څخه ماته فیض او سخا رانصیب کړه

او پر موږ شفقت وکړه اې زما د هیلو مرجع

زما زړه ته له ټولو ناروغیو او رنځونو شفا وبښه

ایا ستا مینه وال به کله هم په وېره او ډار کې وي؟

ستا په مقام او منزلت زه له هېچا څخه وېره نه لرم

له تا پرته بل هېچا ته هیله نه لرم که زمانه پر ما تېری وکړي

او که چېرې مې هېڅ کوم مرستندوی او یار پاتې نه شي

ستا په ژوند مې قسم یو ځل د کرم نظر راباندې وکړه

اې د ټولو سجدې کونکو څخه غوره او اعلی ذاته

ته له ازله غوره شوی او انتخاب شوی ذات یې

اې په ټولو امتونو کې تر ټولو غوره شفاعت کوونکی

ستا په سپېڅلي نور سره له نشتوالي څخه وروسته

د کائیناتو او خلقت مخ وځلېد او راښکاره شو

او د الله تعالی بې شمېره او بې حده درودونه

تاته ډالۍ کېږي اې د لوړ او عالي قدر خاونده

او ستا پر کورنۍ او په روښانه صحابه کرامو دې وي

تر څو چې ساربان نغمې بولي او انګازې یې خپرېږي