Sulula Al-Aqiq irratti wal geenyee

Nutii fi warra ija gurraachaa

Maraataa Laylaa maaltu sitti fakkaata?

Inni muraasa qofa maraate

Ya ija koo isaan na dadhabsiisani

Ya ija-duuphaa koo isaan na gatan

Ya onnee koo obsi

Warra narraa adda ba'an irratti

Guyyaa Wiixataa isaanirraa adda ba'e

Ganama Kibxataa na yaaddessan

Isaan gooftolii na dhiisaniidha

Ija koo irraa dhiiga nan booya

Hamma simbirri damee irraa naaf gadditutti

Nan booye

Rabbitti kakadhee, yoo yaada kootiin du'e

Imimmaan kootiin na dhiqa

Naaf booyaa jedhaas

"Kun kan ija suniin ajjeefameedha"

Ammallee gaalota fe'umsaa bira nan tura

Rabbitti kakadhee na baadhaa nan jedha

Gara mana qomoo kootiitti

Na dhiisanii deemun nagaan na hin jenne

Ya ergamaa koo gara isaanii deemi

Ariitiidhaan harka isaanii dhungadhu

Nagaa koo isaaniif dhiyeessi

Tarii na fudhatu ta'a

Ergamaan koo koflaa natti dhufe

"Araara keetiin gammadi" naan jedhe

Kakuu jireenya keetii fi soogidda keetiin

Isaan wal argiinsaaf waadaa naaf galan