Onnee keessa qubateera, yaa qaamaa gammachuun jiraadhu

Qananiin kun isa bara baraan hafu dha

Dawoo Jaallatamaa jalatti boqattee jirta; eenyu illee

Ollaa Jaallatamaa ta'e, jireenyi isaa jireenya qananiiti

Tikkuumsa Rabbii keessa alaabaa Isaa jalatti jiraadhu

Iddoo kana keessa sodaanis ta'e gaddi hin jiru

Hiyyummaa hin sodaatin, mana eenyuu bira jirtaatii

Kajeellaan kee hundi harka isaa irraa akka gargaarsaatti sitti yaati

Gooftaa bareedinaa fi kan arjummaa qananii ergu dha

Inni bareedina hundumaa keessatti tokkichas, hiriyyaa hin qabu

Handhuura qalbii fi gargaaraa uumama hundaati

Bulchoota hunda caalaa kan ol ta'e, Ahmad isa faarfamaadha

Ruuhii uumamaa fi jireenya uumama hundaati

Isaan malee uumamni gonkumaa hin guutu ture

Iisaa, Aadamii fi angafoonni uumamaa hundi

Akka ijaati, inni ammoo ifa ijji sun ittiin argituudha

Odoo Seexanni ifa isaa kan calaqqisu sana argee

Fuula Aadam keessatti, kan jalqaba sujuudu isuma ture

Odoo Namruud ifa bareedina isaa argeera ta'ee

Ibraahiim waliin Rabbii Guddaa gabbara ture, hin mormuun ture

Garuu bareedinni Rabbii ol jedheera, ijaan hin argamu

Filannoo addaa kan Rabbii hirkannoo hin qabneen malee

Isuma onnee kee keessa qubateen gammadi yaa

Nama iji fi harki isaa kajeellaa hunda guuttate

Burqaa amanamummaa, hiika qulqullummaa fi iccitii arjummaati

Ifa qajeelfamaa, ruuhii qalbii fi qaama qajeelummaati

Sana booda eebbifamni Nabiyyii filatamaa irratti haa ta'u

Isa hunda walitti qabatee adda ta'e irratti, hamma bara baraatti