Ya kan imimmaan koo akka bokkaa walitti fufaa dhangala’u argitu

Ija koo lachuu irraa, yeroo dhukkubni qaama kootti mul’atu

Hin dinqisifatin yoo akka lafee butute ta'es

Kuruphee dirree irraa, mukkeen baanii fi gaara gidduutti

Ji'oota kabajoo keessatti dhiiga koo dhangalaasuu hayyamate

Haala koo dinqisiifadhu, ani takkaa hin turree

Rakkoolee sodaadha, yoo harka isaanii gara kootti diriirsanillee

Garuu jaalalli gurra na cufe, dubbiin koos akkanumatti ta'e

Qadaa ija kuruphee xiqqaatiin leenca kuuffise

Ya jiraattuu dirree, koottu jiraattuu daggalaa birmadhu!

Jaalalleen koo xiyya ijaa lakkoofsa hin qabneen onnee koo waraane

Akka qajeelfama dhabee jooru na dhiise

Yeroo inni na waraanee xiyyi isaa obsa koo laaffise

Madaa sana ganeen xiyyicha onnee koo keessa dhokse

Madaan jaalallee biraa dhufe na hin dhukkubu

Yeroo ji'ni koo mul'atu, ji'ni samii ni dhokata

Jaalala isaatiif yaaduu fi hirriba dhabuun halkan dheeresse

Lubbuun koo, dhiigni koo, dhageettiin fi argituun koo kan isaati

Ya kan jaalala isaatiif na komattu, jaalalli qadaa dha

Yoo hawwiin akkasii si fixe, hin qocqortu, hin komattus