Erga fageenya kootii natti dhihaatan

kakuu koo isa duriis naaf eegan

Jibbitoota utuu hin filatin

waadaa tokkummaa naaf guutan

Ya gammachuu koo dhiheenya kanaan

ya carraa gaarii fi hiree koo kaniin gammadu

Addeessi koo wal-argiinsaan na badhaase

ya gammachuu koo galma koo gaheera

Ya imimmaan ija koo walitti qabami

ya ibidda jaalala koo dhaami

Ani halkan dhiheenyaa fi bashannanaa keessan jira

burqaan dhugaatii koo qulqullaayeera

Xoofoo jaalala koo fudhadheera

shittoo raayhaanii fi wardii gidduutti

Harkaa isa mudhii qal'aa fi miidhagaa irraa

kan nama hawwatuu fi bifa qaxnee qabu irraa

Al-tokko "xoofoo koo fudhu" jedhee weellisa

yeroo biraas "kunoo maddii koo" naan jedha

Yoo ani "ya gooftaa koo kumaatama" jedhe

inni immoo "ya garbicha koo kumaatama" naaf jedha

Namoota birootiif makamaa yoo obaase

ana qofaaf isa qulqulluu naaf filate

Jaalala isaa keessatti komii koo dhiisi

dogoggoraa fi qajeelfama koo hunda gadi dhiisi

Ibiddi jaalala isaa kan na gubbu

anaaf akka qananii jannata baraabaraati